பட வாய்ப்புகள் இன்றி மனமுடைந்து தற்கொலை முடிவெடுத்த மனோபாலாவை, கண்ணதாசனின் மயக்கமா கலக்கமா பாடல் வாழ்வின் மீதான நம்பிக்கையை அளித்து மீட்டெடுத்தது.
மனோபாலாவின் திரைப்பயணம் ஒரு திறந்த புத்தகம் என்றாலும், அதன் தொடக்க காலப் பக்கங்களில் நாம் அறியாத பல வலிகளும் போராட்டங்களும் நிறைந்திருக்கின்றன. ஒரு நடிகராகவும், இயக்குநராகவும் முத்திரை பதித்த மனோபாலா, தனது ஆரம்ப காலத்தில் சந்தித்த சவால்கள் மற்றும் ஒரு இக்கட்டான சூழலில் அவரைத் தற்கொலை எண்ணத்திலிருந்து மீட்டெடுத்த கண்ணதாசனின் பாடல் பற்றி அவர் டூரிங் டாக்கீஸ் பக்கத்தில் கூறியிருப்பது பற்றி பார்ப்போம்.
திரைத்துறையில் சாதிக்க வேண்டும் என்ற கனவோடு சென்னைக்கு வந்த மனோபாலாவுக்கு ஆரம்ப நாட்கள் அத்தனை எளிதாக அமையவில்லை. பட வாய்ப்புகள் தேடி அலைந்த தருணங்களில் ஏமாற்றங்களே மிஞ்சின. ஒரு கட்டத்தில் தீவிரமான மன உளைச்சலுக்கு ஆளான அவர், “இனி வாழ்க்கையில் எதுவுமே இல்லை” என்ற விரக்தியின் விளிம்பிற்குச் சென்று, தற்கொலை செய்து கொள்ளலாம் என்ற விபரீத முடிவை எடுத்தார்.