தன்னைப் பற்றியே அதிகம் சிந்திப்பவர், வசூல் ராஜா முக்கிய காட்சியை மாற்றியவர்: கமல் ரியல் கேரக்டர் குறித்து பிரபல நடிகர் ஓபன் டாக்.

முன்னா பாய் எம்.பி.பி.எஸ் என்ற இந்தி படத்தின் தமிழ் ரீமேக்கான வசூல் ராஜா எம்.பி.பி.எஸ் உருவாக்கத்தின் போது, கமல்ஹாசனின் சுய-பிம்பம் (Self-image) படைப்பு ரீதியான முடிவுகளில் ஆதிக்கம் செலுத்தியது.

தமிழ் சினிமாவில் பன்முக திறமை கொண்ட முக்கிய கலைஞர்களில் ஒரூவராக இருக்கும் கமல்ஹாசன், நடித்து கடைசியாக வெளியாக தக் லைஃப் (Thug Life) திரைப்பட விளம்பரங்களின் போது, “தலைக்கனம் என்பது நட்சத்திர அந்தஸ்தின் (Stardom) தீய கூட்டாளி” என்றும், ஒருமுறை தலைக்கனம் குடியேறிவிட்டால், ஒரு நடிகர் தரையிறங்கி (அடக்கமாக) இருப்பது கடினமாகிவிடும் என்றும் கூறினார். 

இருப்பினும், மூத்த நடிகரான கமல்ஹாசன் தான் அன்று பேசிய அதே வலையில் இப்போது அவரே விழுந்திருக்கலாம் என்று அவருடைய முன்னாள் இணை நடிகர் ஒருவர் தற்போது குற்றம் சாட்டியுள்ளார். ஹே ராம் (Hey Ram) மற்றும் வசூல் ராஜா எம்.பி.பி.எஸ் (Vasool Raja MBBS) ஆகிய படங்களில் கமல்ஹாசனுடன் இணைந்து பணியாற்றிய நடிகர் யதின் கார்யேகர் (Yatin Karyekar), சூப்பர் ஸ்டாரின் சுய-மோகம் (Self-obsession) பல ஆண்டுகளாக அவரது திரையுலக வாழ்க்கையைப் பாதித்துள்ளது என்று சமீபத்தில் குற்றம் சாட்டியுள்ளார்.

‘விளம்பரத்திற்காக அவர் உருவாக்கும் சர்ச்சைகள்’

சித்தார்த் கண்ணனுடனான நேர்காணலில் பேசிய யதின், கமல்ஹாசன் எப்போதும் வெளிச்சத்தில் (Limelight) இருப்பதற்காக வேண்டுமென்றே சர்ச்சைகளை ஏற்படுத்துகிறார். “நான் கமல்ஹாசனுடன் நிறைய பணியாற்றியுள்ளேன். விளம்பரம் மற்றும் சர்ச்சையை உருவாக்க சில விஷயங்களைச் செய்ய வேண்டியுள்ளது. மக்கள் விளம்பரத்திற்காக சர்ச்சையை உருவாக்குகிறார்கள். கவனத்தை ஈர்க்க அவர்கள் சர்ச்சையை உருவாக்க வேண்டிய அவசியத்தை உணர்கிறார்கள்.